Nyuma y’imyigaragambyo yari imaze iminsi ikorwa n’abakozi bo mu rwego rutwara abagenzi mu ndege mu gihugu cya Kenya, umuyobozi w’agateganyo wa Kompanyi ya Kenya(Kenya Airways) akaba n’umuyobozi nshingwabikorwa wayo George Kamal yeguye kuri izo nshingano.
Uyu muyobozi yeguye mu gihe kitageze ku mezi 10 ahawe izi nshingano, ndetse ahita atangaza ko uwari umuyobozi nshingwabikorwa wa Kenya Airways akaba n’umuyobozi ushinzwe serivisi zo mu rwego rw’amategeko ko ari we umusimbuye.
Itangazo Kenya Airways yashyize hanze, rivuga ko Kamal yeguye ku mpamvu ze bwite.
George azakomeza gukora muri iyi kompanyi mu gihe cy’inzibacyuho nyuma azayivemo mu mpera z’uku kwezi kwa Nzeri.
